Kutak za pusto pametne

Lumbarajska mudra “tjedna” :                                                               Ja bi je promini ma...                                                      

Dragi moji Lumbarjani!

 Kako i sami znate došlo vrime da se nakon cilega godišća borbe kolo loze napokon trud donese u konobu i učini vino kako ko umi i zna, došlo vrime jematve. Moja fameja ni nika imala bokun u Poje da možeš manje više po komodu poć na bokun ka hoćeš bilo da va poć pokosi, proli, plivi ili štogo drugo kolo loze, nego je valo prati prognozu vrimena i prilagodi se uvjetima na terenu, odnosno va uhiti momenat za obavi posal. Moji imaju malo zemje ništo na Sutivan i bokun na Donje blato koji često poplavi priko zime, ali ovo godišće kako nika, ovega se ne spominju ni stariji Lumbarjani. Prin par dana zva me je brat i u zajeb....... reka da će nam va doni barku za otrga Donje blato, ja san mu se nasmija, ali ne za dugo, jer se tako i dogodilo. Evo kako Vam je drugi web master sela već najavi ekskluzivne slike trganja grozja 2006, lokacija Donje blato pod vodon. Doma smo se dogovorili da slike damo u eter, jer ipak krnoval je blizu pa bi bilo nezgodno nać se tamo radi žmula vina. Svima koji se naju u sličnom problemu slobodno koristite prikazano iskustvo i arte, mada su već niki judi pitali iz prve ruke.

 Stojte mi dobro i veselo do skorog viđenja u našoj Lumbardi.        Dobra Vam jematva bila!

 Vaš ne više gastarbajter, nego forza Fiume!

Situaciju nadgleda:

Za pristup oglasnoj ploči kliknite na sliku.

Lumbardanet se ograđuje od iznesenih komentara i stavova

lumbardanet@net.hr